नाशिक (इंडिया दर्पण वृत्तसेवा)– देवळालीगावात राहणा-या एका ३३ वर्षीय व्यक्तीने आपल्या राहत्या घरात गळफास लावून घेत आत्महत्या केली. सदर इसमाच्या आत्महत्येचे कारण समजू शकले नाही. याप्रकरणी नाशिकरोड पोलीस ठाण्यात मृत्यूची नोंद करण्यात आली आहे.
स्वप्निल परशुराम पाळदे (रा.पाटील गॅरेज मागे) असे मृत व्यक्तीचे नाव आहे. स्वप्निल पाळदे यांनी मंगळवारी (दि.३०) सकाळच्या सुमारास अज्ञात कारणातून आपल्या राहत्या घरातील बेडरूममध्ये पंख्याच्या हुकास साडी बांधून गळफास लावून घेतला होता.
ही बाब निदर्शनास येताच मेव्हणा राकेश वाघ यांनी त्यास तात्काळ बिटको रूग्णालयात दाखल केले असता डॉ.स्मिता पोटे यांनी त्यास मृत घोषीत केले. अधिक तपास हवालदार गायकवाड करीत आहेत.
