नाशिक (इंडिया दर्पण वृत्तसेवा)– शहरातील वेगवेगळया भागात राहणा-या दोघांनी मंगळवारी (दि.३०) गळफास लावून घेत आपले जीवन संपविले. त्यात २७ वर्षीय युवतीलह २० वर्षीय तरूणाचा समावेश आहे. दोघांच्याही आत्महत्येचे कारण समजू शकले नाही. याप्रकरणी सातपूर आणि देवळाली कॅम्प पोलीस ठाण्यात मृत्यूच्या नोंदी करण्यात आल्या आहेत.
सातपूर येथील भारती भवन भागात राहणा-या कामिनी रविंद्र वाघ (रा.महादेवनगर) या युवतीने मंगळवारी अज्ञात कारणातून आपल्या राहत्या घरातील बेडरूममध्ये पंख्याच्या हुकाला दोरी बांधून गळफास लावून घेतला होता. ही बाब सायंकाळच्या सुमारास उघडकीस येताच वडिल रविंद्र वाघ यांनी तिला तात्काळ जिल्हा रूग्णालयात दाखल केले असता वैद्यकीय सुत्रांनी मृत घोषीत केले. याबाबत सातपूर पोलीस ठाण्यात मृत्यूची नोद करण्यात आली असून अधिक तपास जमादार गावीत करीत आहेत.
दुसरी घटना नाणेगाव ता.जि.नाशिक येथे घडली. अक्षय शिवाजी कोल्हे (२० रा.जयभवानीनगर,नाणेगाव) या युवकाने मंगळवारी अज्ञात कारणातून आपल्या राहत्या घरात छताला साडी बांधून गळफास लावून घेतला होता. त्यात त्याचा मृत्यू झाला याबाबत संतोष आडके यांनी दिलेल्या खबरीवरून देवळाली कॅम्प पोलीस ठाण्यात मृत्यूची नोंद करण्यात आली असून अधिक तपास हवालदार मिरजे करीत आहेत.
