नाशिक (इंडिया दर्पण वृत्तसेवा) – बिटको कॉलेज पाठीमागील घाडगेनगर भागात झालेल्या घरफोडीत चोरट्यांनी सुमारे दोन लाखाच्या ऐवजावर डल्ला मारला. त्यात सोन्याचांदीच्या दागिण्यांचा समावेश आहे. याबाबत उपनगर पोलीस ठाण्यात गुन्हा दाखल करण्यात आला आहे.
बाळासाहेब रंगनाथ आढाव (रा.ऋतुविहार रो हाऊस,तरण तलावाजवळ घाडगेनगर) यांनी याबाबत फिर्याद दिली आहे. आढाव कुटुंबिय गेल्या गुरूवारी (दि.२५) बाहेरगावी गेले असता ही घटना घडली. अज्ञात चोरट्यांनी त्यांच्या बंद घराच्या हॉलजवळील खिडकीचे गज कापून ही चोरी केली.
घरात शिरलेल्या चोरट्यांनी बेडरूममधील लाकडी कपाटात व देवघरातील ड्रावर उघडून सुमारे २ लाख ५ हजार रूपये किमतीचे अलंकार चोरून नेले. त्यात सोन्याचे दोन मंगळसुत्र, रिंगा व झुबे तसेच चांदीचे हळदी कुंकू पात्र भांडे आदींचा समावेश आहे. अधिक तपास सहाय्यक निरीक्षक वायकर करीत आहेत.
