नाशिक (इंडिया दर्पण वृत्तसेवा) – औद्योगीक वसाहतीतील बंद कारखान्याच्या खिडकीचे गज कापून चोरट्यांनी कॉपरवायर चोरून नेली. या घटनेत सुमारे ६५ हजाराच्या कॉपरवायरवर चोरट्यांनी डल्ला मारला असून याप्रकरणी अंबड पोलीस ठाण्यात गुन्हा दाखल करण्यात आला आहे.
शेख रऊफ दादामिया (रा.भाभानगर) यांनी फिर्याद दिली आहे. शेख अंबड औद्योगीक वसाहतीतील सेव्हन स्टार इंटरनॅशनल कारखान्याचे काम सांभाळतात. गेल्या शनिवारी (दि.२०) औद्योगीक वसाहतीला सुट्टी असल्याची संधी साधत ही चोरी केली.
बंद कारखान्याचे खिडकीचे गज कापून भामट्यांनी कारखान्यातील वेगवेगळया प्रकारचे कॉपरवायरचे सुमारे ६४ हजार ३६९ रूपये किमतीचे रोल चोरून नेले. अधिक तपास हवालदार चव्हाण करीत आहेत.
