नाशिक (इंडिया दर्पण वृत्तसेवा)- शिंगाडा तलाव जवळ इमारत आवारात असलेली तीन चंदनाची झाडे भामट्यांनी कापून नेल्याचा प्रकार घडला. याप्रकरणी भद्रकाली पोलीस ठाण्यात गुह्याची नोंद करण्यात आली असून तंदन तस्करांचा बंदोबस्त करावा अशी मागणी जोर धरू लागली आहे.
सुरेशचंद्र मानेकलाल भटेवरा (रा.अनोल अपा.जैन मंदिरासमोर शिंगाडा तलाव) यांनी याबाबत फिर्याद दिली आहे. भटेवरा वास्तव्यास असलेल्या इमारत आवारात असलेली तीन चंदनाची झाडे चोरट्यांनी कापून नेली. ही घटना शुक्रवारी (दि.२६) मध्यरात्री घडली. दुस-या दिवशी सकाळी ही बाब निदर्शनास आल्याने भटेवरा यांनी पोलीसात धाव घेतली असून अधिक तपास हवालदार बोळे करीत आहेत.
