इंडिया दर्पण ऑनलाईन डेस्क
नवी दिल्ली – मेनका गांधी यांनी रचलेल्या जाळ्यात अलगद अडकलेला इल्विश यादव याचे आणि वादाचे जुनेच नाते आहे. अंमली पदार्थ पुरवणे, चोऱ्या करणे, रेव्ह पार्ट्या आयोजित करणे आदीशी त्याचा संबंध असून महाराष्ट्राचे मुख्यमंत्री एकनाथ शिंदे यांनी त्याला घातलेल्या पायघड्याही आता चांगल्याच चर्चेत आल्या आहेत.
बिग बॉस २ जिंकल्यानंतर प्रसिद्धीझोतात आलेला यूट्युबर इल्विश यादव पहिल्यांदा चोरी प्रकरणामुळे प्रकाशझोतात आला. जी-२० परिषदेसाठी शहर सजवले जात होते, त्या वेळी परदेशी पाहुण्यांच्या स्वागतासाठी शहरात ठिकठिकाणी फुलांच्या कुंड्या ठेवण्यात आल्या होत्या. आलिशान कारमधून या फुलांच्या कुंड्या चोरल्याचा व्हिडीओ सोशल मीडियावर व्हायरल झाला होता. याप्रकरणी पोलिसांनी गुन्हा नोंदवला होता. नंतर पोलिसांना समजले, की एल्विश यादवने त्याच कारमध्ये रील बनवली होती, ज्याचा वापर कुंड्या चोरण्यासाठी केला जात होता. एल्विश यादवचे वडील शिक्षक आहेत, तर आई गृहिणी आहे. एल्विशने एमिटी इंटरनॅशनल स्कूल आणि हंसराज कॉलेज, दिल्ली येथे शिक्षण घेतले. तो चित्रपट अभिनेत्री उर्वशी रौतेलासोबत एका अल्बममध्ये दिसला होता. त्याचे सह-स्पर्धक मनीषा राणीसोबतचे गाणेही रिलीज झाले आहे. सध्या, एल्विश त्याच्या फर्स्ट रनर अप अभिषेक मल्हान या रिअॅलिटी शो टेम्पटेशन आयलंडमध्ये सहभागी झाल्यामुळे चर्चेत आहे.
एल्विश जवळपास ४० कोटी रुपयांच्या मालमत्तेचा मालक आहे. त्यांचे गुरुग्राममध्ये १४ कोटी रुपयांचे घर आहे. त्याने दुबईत एक आलिशान घर आणि कारही घेतली असल्याची चर्चा सोशल मीडियावर आहे. एल्विश यादवचे लाखो फॉलोअर्स आहेत. त्याने २०१६ मध्ये यूट्यूब व्हिडीओ बनवण्यास सुरुवात केली. एल्विश यादव व्लॉग्स नावाचे त्यांचे आणखी एक यूट्युब चॅनेल आहे. त्यावर त्याचे ७५ लाख सदस्य आहेत. रेव्ह पार्ट्यांमध्ये सापाचे विष देताना पकडलेल्या यूट्यूबर एल्विश यादवचा हरियाणाचे मुख्यमंत्री मनोहर लाल यांच्या हस्ते सन्मान करण्यात आला. महाराष्ट्राचे मुख्यमंत्री एकनाथ शिंदे यांनीही त्यांचा गौरव केला आहे. बिग बॉसचा विजेता झाल्यानंतर ऑगस्टमध्ये गुरुग्राममध्ये झालेल्या सत्कार समारंभात तीन लाख लोक जमले होते. एल्विश यांनी मनोहर लाल यांच्यासोबत मंचावर प्रवेश केला होता. एल्विशचे आई-वडीलही स्टेजवर होते.
शिंदे यांनी एल्विश यांना गणेशोत्सवानिमित्त ‘वर्षा’ या शासकीय निवासस्थानी बोलावले होते. एल्विशने गणपतीची पूजा केली. त्याला अटक करण्यासाठी पोलिसांनी पाच पथके तयार केली आहेत. त्याच्या शोधात पोलिसांनी दिल्ली, हरियाणा आणि मुंबईत छापे टाकले आहेत. एल्विश यादवसह सहा आरोपींविरुद्ध कोतवाली सेक्टर-४९ मध्ये वन्यजीव कायद्यान्वये गुन्हा दाखल करण्यात आला आहे. एल्विश यादवसह सर्व आरोपींवर रेव्ह पार्टी आयोजित करणाऱ्या आणि त्यात सापाचे विष पुरवणाऱ्या टोळीशी संबंधित असल्याचा आरोप आहे. या प्रकरणी पोलिसांनी पाच जणांना अटक केली असून त्यांच्याकडून एकूण नऊ साप आणि २० मिली विष जप्त करण्यात आले. त्याची किंमत लाखो रुपये असल्याचे सांगितले जाते.
या प्रकरणात पाच आरोपींना अटक करण्यात आली आहे. याप्रकरणी एल्विश यादवसह सहा जणांविरुद्ध गुन्हा दाखल करण्यात आला आहे. या टोळीतील एल्विश यादवचा सहभाग तपासण्यात येत आहे. बिग बॉसच्या इतिहासात एल्विश यादव हा ट्रॉफी जिंकणारा पहिला वाईल्ड कार्ड आहे.
