मनमाड (इंडिया दर्पण वृत्तसेवा)– येथील लोहमार्गालगत दोन तरुणांचे मृतदेह आढळून आल्याने खळबळ उडाली आहे. आनंद पगारे व निलेश पगारे असे मृत तरुणाचे नावे आहेत. दोघेही धावत्या रेल्वे गाड्यांमधून भेळ विक्रीचा व्यवसाय करीत होते. एकाचा मृतदेह लोहमार्गात दोन तुकडे झालेल्या अवस्थेत तर दुसऱ्याचा मृतदेह लोहमार्गालगत आढळून आला. एकाच वेळी दोन तरुणांचे मृतदेह आढळून आल्याने खळबळ उडाली आहे. नेमका अपघात की घातपात झाला याबाबत तर्क वितर्क लढविले जात आहे. याबाबत लोहमार्ग पोलिस अधिक तपास करत आहे.
