नाशिक (इंडिया दर्पण वृत्तसेवा)- पतीच्या मित्रानेच विवाहीतेचा विनयभंग केल्याचा प्रकार समोर आला आहे. संशयिताने फोनवर शिवीगाळ केल्याने हा प्रकार पोलीसात पोहचला असून याप्रकरणी मुंबईनाका पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार अजय पगारे असे संशयिताचे नाव आहे. याबाबत रविशंकर मार्गावरील खोडेनगर भागात राहणा-या पीडितेने याबाबत फिर्याद दाखल केली आहे. संशयित व तक्रारदार महिला एकमेकांचे परिचीत असून, तो पतीचा मित्र आहे. पीडित महिलेचा पती व संशयित या दोघा मित्रांमध्ये मे २०२४ मध्ये जमीन खरेदी विक्रीचा व्यवहार झाल्याने तो पीडितेच्या संपर्कात आला होता. महिलेचा मोबाईल नंबर घेत त्याने महिलेस आपल्या जाळयात ओढण्याचा प्रयत्न केला. वेळोवेळी फोन व चॅटींग करून त्याने व्यवहार पूर्ण होईल तो पर्यंत माझ्या संपर्कात रहा नाही तर पतीचे हात पाय तोडील अशी धमकी त्याने महिलेस दिली होती. त्यामुळे महिला त्याचा फोन उचलत होती.
गेल्या ११ जून रोजी दुपारच्या सुमारास संशयिताने फोन करून तू मला आवडतेस माझ्याशी रिलेशनमध्ये रहा अशी विनवणी केली असता महिलेने त्यास नकार दिला. त्यामुळे संतप्त झालेल्या संशयिताने महिलेस शिवीगाळ केल्याने हा प्रकार पोलीसात पोहचला असून अधिक तपास पोलीस नाईक काकुळते करीत आहेत.
