नाशिक (इंडिया दर्पण वृत्तसेवा) – नाशिक जिल्ह्यातील भावली धरण हे ओव्हरप्लो झाले. तर कडवा धरण , दरणा धरण ८२.६१, नांदुरमध्यमेश्वर ९८.४४ टक्के भरले तर नाशिश शहराला पाणीपुरवठा करणारे गंगापुर धरण ५४.२८ टक्के साठा झाला आहे.
जिल्ह्यात मोठ्या व मध्यम अशा २४ प्रकल्पांमध्ये २६ जूलै अखेर ३३.७२ टक्के साठा आहे. गेल्या पावसाळ्यात बहुतांश धरणे ओव्हरफ्लो झाली होती. पण, काही धरणाचा पाणीसाठा कमीच होता. गेल्या पावसाळ्यापेक्षा जिल्ह्यातील धरणांचा पाणीसाठा १६ टक्के कमीच झाला होता. त्यात आता हा साठा ३३.७२ टक्के झाला आहे.
जूनपासून पावसाने हजेरी लावण्यास सुरुवात केल्यानंतर आता कुठे काही धरणात पाणीसाठा वाढतो आहे. पण, तरी काही धरणाची स्थिती अजूनही चिंताजनक आहे. नाशिक शहराला पाणीपुरवठा करणा-या गंगापूर धरणाचा साठा ५४.२८ टक्के तर समुहात ४६.१४ टक्के साठा आहे.
![Screenshot 20240726 115940 Drive](https://indiadarpanlive.com/wp-content/uploads/2024/07/Screenshot_20240726-115940_Drive-664x1024.jpg)