नाशिक (इंडिया दर्पण वृत्तसेवा): जिल्ह्यातील १३० रिक्त होमगार्ड सदस्य अनुशेष भरण्यासाठी आज २६ जुलै ते १४ ऑगस्ट २०२४ या कालावधीत ऑनलाईन अर्ज नोंदणीचे आयोजन करण्यात आले आहे. https://maharashtracdhg.gov.in/mahahg/login1.php या संकेतस्थळावर इच्छुक उमेदवारांनी ऑनलाईन अर्ज करावे, असे आवाहन होमगार्डचे जिल्हा समादेशक तथा अपर पोलीस अधीक्षक आदित्य मिरखेलकर यांनी शासकीय प्रसिद्धी पत्रकान्वये केले आहे.
इगतपुरी, सिन्नर, निफाड, नाशिक शहर या तालुक्यातील पथक व पोलीस स्टेशन हद्दीत राहणाऱ्या आणि होमगार्डमध्ये सेवा करू इच्छिणाऱ्या उमेदवारांनीच नोंदणी करावी. या अनुशेषामध्ये बदल करण्याचा अधिकार जिल्हा समादेशक (होमगार्ड), नाशिक यांना असेल, असेही प्रसिद्धीपत्रकात नमूद केले आहे.
तालुकानिहाय पथकातील अनुशेष :
इगतपुरी – पुरूष : 25, महिला : 5 एकूण : 30,
सिन्नर – पुरूष : 25, महिला : 5 एकूण : 30,
निफाड – पुरूष : 15, महिला : 0 एकूण : 15,
नाशिक शहर – पुरूष : 44, महिला : 11 एकूण : 55
असे एकूण 109 पुरूष व 21 महिला अशा 130 उमेदवारांचा अनुशेष भरण्यात येणार आहे.
