नाशिक (इंडिया दर्पण वृत्तसेवा)- बोरगड रोडवरील अवतार पॉईंट भागात झालेल्या घरफोडीत चोरट्यांनी सुमारे दीड लाखाचा ऐवज चोरून नेला. त्यात सोन्याचांदीच्या दागिण्यांचा समावेश आहे. या प्रकरणी म्हसरूळ पोलीस ठाण्यात गुन्हा दाखल करण्यात आला आहे.
मंदाकिनी दिलीप पगारे (रा.सुर्या सोसा.अवतार पॉईंट जवळ,वाढणे पोल्ट्री फार्म जवळ) यांनी फिर्याद दिली आहे. पगारे या सोमवारी (दि.२२) रात्री जत्रा हॉटेल भागात राहणा-या मुलीच्या घरी मुक्कामी गेल्या असता ही घटना घडली. अज्ञात चोरट्यांनी पगारे यांच्या बंद घराचा कडीकोयंडा तोडून लोखंडी कपाटात ठेवलेले सुमारे १ लाख ५९ हजार रूपये किमतीचे अलंकार चोरून नेले. अधिक तपास उपनिरीक्षक मंद्रुपकर करीत आहेत.
९० हजाराच्या ऐवजावर चोरट्यांनी मारला डल्ला
नाशिक (इंडिया दर्पण वृत्तसेवा)- औद्योगीक वसाहतीतील एका कारखान्यातील सुमारे ९० हजाराच्या ऐवजावर चोरट्यांनी डल्ला मारला. त्यात रोकडसह मोबाईल आणि विविध वस्तूंचा समावेश आहे. याप्रकरणी सातपूर पोलीस ठाण्यात चोरीचा गुन्हा दाखल करण्यात आला आहे.
योगेश उध्दव पाटील (रा.पारिजातनगर) यांनी याबाबत फिर्याद दाखल केली आहे. सातपूर एमआयडीसीतील वेस्टन टेक्नोलॉजी स्ट्रीट या कारखान्यात ही चोरी झाली. गेल्या शुक्रवारी (दि.१९) रात्री अज्ञात चोरट्यांनी बंद कंपनीच्या मेनगेटवरून उडी मारून ही चोरी केली. कारखाना आवारात शिरलेल्या चोरट्यांनी स्लाईडींग डोअरच्या फटीतून कंपनीत शिरत चोरट्यांनी टेबलावरील ड्रावरमध्ये ठेवलेली साडे सहा हजाराची रोकड,दोन मोबाईल पॉलीकॅब कॉपर व एसक्युएमएम सिंगल कोअर केबल, ब्रासचेक वॉल,गन मेटल,अ‍ॅल्युमिनीअम बसबार,कॉपर पाईप व ग्रॅण्डींग मशिन असा सुमारे ८९ हजार ९७३ रूपये किमतीचा ऐवज चोरून नेला. अधिक तपास हवालदार आहेर करीत आहेत.
