नाशिक (इंडिया दर्पण वृत्तसेवा) – रस्त्यात गाठून मैत्रीणीशी बोलणे एका युवकास चांगलेच महागात पडले आहे. तरूणीच्या कुटुंबियाने त्यास बेदम मारहाण केली असून या घटनेत युवक जखमी झाला आहे. याप्रकरणी अंबड पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार संदिप व गजानन वाकळे व त्यांचे दोन साथीदार अशी संशयितांची नावे आहेत. याबाबत राज कैलास भवाळे (२३ रा.राजीवनगर वसाहत इंदिरानगर) या युवकाने फिर्याद दिली आहे. भवाळे सोमवारी (दि.२२) रात्री साडे नऊ वाजेच्या सुमारास भमारे मिसळकडे जाणा-या मार्गावरील मनपसंद स्विटजवळ आपल्या मैत्रीणीशी गप्पा मारत उभा असतांना ही घटना घडली.
मुलीचे नातेवाईक असलेल्या दोघा संशयितांस त्यांच्या साथीदारांना भवाळे यास पकडून बेदम मारहाण केली. याप्रसंगी एकाने कशाच्या तरी सहाय्याने डोक्यात प्रहार केल्याने तो जखमी झाला असून अधिक तपास हवालदार शेख करीत आहेत.
