नाशिक (इंडिया दर्पण वृत्तसेवा) – पती पत्नीच्या वादात एकाने कारण नसतांना पतीस बेदम मारहाण केल्याची घटना महादेववाडी भागात घडली. या घटनेत ५८ वर्षीय इसमास काही तरी हत्याराने मारहाण करण्यात आल्याने तो जखमी झाला असून याप्रकरणी सातपूर पोलीस ठाण्यात गुन्हा दाखल करण्यात आला आहे.
मक्या विष्णू भालेराव (रा.महादेववाडी,सातपूर) असे गुन्हा दाखल करण्यात आलेल्या संशयिताचे नाव आहे. याबाबत संजय लक्ष्मण शिंदे (५८) यांनी फिर्याद दिली आहे. शिंदे दांम्पत्याचा गेल्या सोमवारी (दि.१५) सायंकाळच्या सुमारास आपल्या घरासमोर वाद सुरू असतांना ही घटना घडली. पती – पत्नीतील वादा प्रसंगी कुठलेही कारण नसतांना संशयिताने पती संजय शिंदे यांना शिवीगाळ करीत बेदम मारहाण केली.
या घटनेत काही तरी हत्याराने मारहाण करण्यात आल्याने शिंदे यांच्या पायास व उजव्या बरगडीस दुखापत झाली असून अधिक तपास उपनिरीक्षक बटूळे करीत आहेत.
