नाशिक (इंडिया दर्पण वृत्तसेवा)- निफाड तालुक्यातील पिंपळगाव बसवंत येथील पानसरे वस्ती परिसरामध्ये गेल्या काही दिवसापासून दर्शन देणारा बिबट्या रात्री शिकारीसाठी मोराचा पाठलाग करतांना शॉक लागल्याने मृत्यू झाला. याअगोदर शॅाक लागल्याने मोर डीपीवर लटकला होता. त्याची शिकार करण्यासाठी बिबट्या डीपी वर चढताच शॉक लागल्याचे बोलले जात आहे. या दुर्दैवी घटनेमुळे प्राणी मित्रांनी दुःख व्यक्त केले. चांदवड वन विभाग घटनास्थळी पोहोचले. मृत मोर आणि बिबट्याला ताब्यात घेतले असून पंचनामा करुन विधिवत अंत्यविधी केला गेल्याची माहिती वनविभागाने दिली.
पिंपळगाव बसवंत येथे विजेचा शॉक लागून मोर आणि बिबट्याचा मृत्यू….
