नाशिक (इंडिया दर्पण वृत्तसेवा)– नाशिक जिल्हा रोलबॅाल असोसिएशनच्या वतीने मराठा हायस्कूल नाशिक येथे रविवारी दिनांक २८ जुलै रोजी १४ वर्षे वयोगटाच्या मुले आणि मुलींच्या नाशिक जिल्हा रोलबॅाल अजिंक्यपद स्पर्धेचे आयोजन करण्यात आले आहेत. या स्पर्धेत पहील्या तीन क्रमांक मिळविणाऱ्या विजयी संघाना मेडल्स आणि प्रमाणपत्र देवून सन्मानित करण्यात येणार आहे, तर सहभागी सर्व खेळाडूंना प्रमाणपत्र दिले जाणार आहेत.
या स्पर्धेतील कामगिरीचा आधारे खेळाडूंची नाशिक जिल्हा संघामध्ये निवड करण्यात येणार आहे. हे निवड झालेले खेळाडू बुलढाणा येथे महाराष्ट्र राज्य रोलबॅाल संघटनेच्या वतीने आयोजित १८व्या सब ज्युनियर महाराष्ट्र राज्य स्पर्धेमध्ये नाशिक जिल्ह्याचे प्रतिनिधित्व करतील अशी माहिती नाशिक जिल्हा रोलबॅाल संघटनेचे सचिव बाळासाहेब रायते यांनी दिली.
या स्पर्धेत जिल्ह्यातील जास्तीत जास्त खेळाडूंनी सहभाग नोंदवण्याचे आवाहन संघटनेचे अध्यक्ष संजय चव्हाण आणि हर्षवर्धन गावित यांनी केले आहे. या स्पर्धा यशस्वी करण्यासाठी स्पर्धा प्रमुख सागर झनकर, सुयश कुंभार्डे, वैभव भोसले आदी प्रयत्नशील आहेत. अधिक माहितीसाठी मोबाईल क्रमांक ८८०६२८२०२२ यावर संपर्क करावा.
