इंडिया दर्पण ऑनलाईन डेस्क
मुंबई: आर्थिकदृष्ट्या मागास प्रवर्ग (ईबीसी), आर्थिक दुर्बल घटक (ईडबल्यूएस), सामाजिक आणि आर्थिक मागास (एसईबीसी) आणि ओबीसी (ओबीसी) प्रवर्गात पात्र ठरणाऱ्या विद्यार्थी आणि विद्यार्थिनींना शैक्षणिक शुल्क माफ करण्यात आले आहे. संबंधित प्रवर्गातील विद्यार्थ्यांकडून शैक्षणिक संस्थांनी हे शुल्क घेऊ नये, असे निर्देश उच्च व तंत्रशिक्षण विभागाने दिले आहेत.
या निर्णयामुळे यंदाच्या शैक्षणिक वर्षात आर्थिकदृष्ट्या मागास प्रवर्ग (ईबीसी), आर्थिक दुर्बल घटक (ईड़बल्यूएस), सामाजिक आणि आर्थिक मागास (एसईबीसी) आणि ओबीसी प्रवर्गाच्या विद्यार्थ्यांना मोठा दिलासा मिळणार आहे. आर्थिकदृष्ट्या दुर्बल घटकातील पात्र विद्यार्थ्यांना प्रवेशाच्या वेळी शुल्काची मागणीसाठी आग्रह धरल्यास संबधित शिक्षणसंस्थांच्या विरोधात कारवाई करण्याचा इशारा उच्च व तंत्रशिक्षण विभागाने दिला आहे.
काही दिवसांपूर्वीच राज्य सरकारने व्यवसायिक अभ्यासक्रमास प्रवेश घेणाऱ्या आर्थिक दुर्बल घटक (ईडब्ल्यूएस), सामाजिक व शैक्षणिकदृष्ट्या मागास प्रवर्ग(एसईबीसी) तसेच इतर मागास प्रवर्गातील (ओबीसी) मुलींना शिक्षण शुल्क आणि परीक्षा शुल्कामध्ये शंभर टक्के शिक्षण शुल्क प्रतिपूर्तीला मंजुरी दिली होती.
