नाशिक (इंडिया दर्पण वृत्तसेवा) – सराफी दुकान फोडून चोरट्यांनी चांदीच्या वस्तू चोरून नेल्या. ही घटना नाशिकरोड येथील इस्टीम टावर भागात घडली असून दुकानातील सुमारे ८२ हजार रूपये किमतीचे दागिणे लांबविण्यात आले आहेत. याप्रकरणी नाशिकरोड पोलीस ठाण्यात गुन्हा दाखल करण्यात आला आहे.
कालीदास गजानन दुसाने (रा.लोखंडे मळा,लक्ष्मण नगर जेलरोड) यांनी याबाबत फिर्याद दिली आहे. इस्टीम टॉवर या इमारतीतील दुसाने ज्वेलर्स नावाचे दुकान चोरट्यांनी फोडले. ही घटना (दि.१७) रात्री घडली. अज्ञात चोरट्यांनी बंद दुकानाच्या पोट माळ््यास असलेल्या खिडकीचे गज कापून ही चोरी केली असून सुमारे ८२ हजार ५०० रूपये किमतीचा ऐवज लांबविला आहे. त्यात चांदीच्या अंगठ्या,पायल,रिंगा चैन तसेच अन्य वस्तूचा समावेश आहे. अधिक तपास उपनिरीक्षक बिडकर करीत आहेत.
सिडकोत घरफोडीत चांदीच्या भांडे चोरुन नेले
नाशिक (इंडिया दर्पण वृत्तसेवा) – सिडकोतील स्वामी विवेकानंदनगर भागात झालेल्या घरफोडीत चोरट्यांनी सुमारे दहा हजाराच्या ऐवजावर डल्ला मारला. त्यात चांदीच्या भांड्याचा समावेश आहे. याप्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे.
संपदा मनोज गर्दे यांनी याबाबत फिर्याद दिली आहे. गर्दे कुटुंबिय सोमवारी (दि.१५) बाहेरगावी गेले असता ही घटना घडली. अज्ञात चोरट्यांनी गर्दे यांच्या बंद घराचे कुलूप तोडून कपाटात ठेवलेली ताम्हण,फुलपात्र,पळी,वाटी अशी चांदीचे भांडी चोरून नेली. अधिक तपास हवालदार शेख करीत आहेत.
मंगळसूत्र दुचाकीस्वार भामट्यांनी ओरबाडून नेले
नाशिक (इंडिया दर्पण वृत्तसेवा) – रस्त्याने पायी जाणा-या महिलेच्या गळयातील मंगळसूत्र दुचाकीस्वार भामट्यांनी ओरबाडून नेले. ही घटना हिरावाडीतील शक्तीनगर भागात घडली. याप्रकरणी पंचवटी पोलीस ठाण्यात जबरीचोरीचा गुन्हा दाखल करण्यात आला आहे.
हेमा दिपक नाईक (रा.जोशीवाडा,मारूती मंदिराजवळ हिरावाडी) यांनी याबाबत फिर्याद दिली आहे. नाईक या गुरूवारी (दि.१८) सायंकाळच्या सुमारास मैत्रीण कविता ससाणे यांच्या समवेत रस्त्याने पायी जात असतांना ही घटना घडली. परिसरातील रूद्रा हाईटस इमारतीसमोरून दोन्ही मैत्रीणी पायी जात असतांना समोरून डबलसिट आलेल्या दुचाकीस्वारांपैकी एकाने त्यांच्या गळयातील सुमारे ६० हजार रूपये किमतीचे मंगळसूत्र ओरबाडून नेले. अधिक तपास उपनिरीक्षक जाधव करीत आहेत.
