जळगाव (इंडिया दर्पण वृत्तसेवा)- जळगाव शहरातील मेहरुन परिसरामध्ये भरधाव कारने पाच महिलांसह दोन चिमुरड्या बालकांना उडवल्याची धक्कादायक घटना घडली. यात एका महिलेचा जागीच मृत्यू झाला. या महिला घरासमोर गप्पा मारत असतांना ही घटना घडली. पुणे, मुंबई पाठोपाठ आता जळगावमध्ये सुध्दा हिट अॅँड रनचा प्रकार घडला आहे.
गुरुवारी सायंकाळी साडेसहा वाजता मेहरुण परिसरातील मंगलपुरी गल्लीत घरासमोर काही महिला गप्पा मारीत असतांना भरधाव कार आली. यात ५ महिलांसह २ चिमुरड्यांना धडक दिली. या धडकेत एका महिलेचा जागीच मृत्यू झाला. यात चार महिला जखमी झाल्या आहे. तर एका मुलाला दुखापत झाली आहे. या घटनेनंतर एमआयडीसी पोलिस स्टेशनमध्ये गुन्हा दाखल करण्यात आला आहे. दरम्यान कार चालकाला नागरिकांनी चांगलाच चोप दिला..
