नाशिक (इंडिया दर्पण वृत्तसेवा)- शहरात घरासमोर पार्क केलेल्या अ‍ॅटोरिक्षासह तीन दुचाकी चोरीला गेल्याची घटना घडली. याबाबत भद्रकाली,पंचवटी व नाशिकरोड पोलीस ठाण्यात गुन्हे दाखल करण्यात आले आहेत.
जुने नाशिक येथील काजीपुरा भागात राहणारे इलियास हुसेन शेख (रा.बगदाद पॅलेस,विठ्ठल मंदिरासमोर ) यांची अ‍ॅटोरिक्षा एमएच १५ एफक्यू ४५७९ गेल्या बुधवारी (दि.१०) रात्री त्यांच्या घरासमोर पार्क केलेली असतांना चोरट्यांनी ती चोरून नेली. याबाबत भद्रकाली पोलीस ठाण्यात गुह्याची नोंद करण्यात आली असून अधिक तपास हवालदार सुर्यवंशी करीत आहेत. मोटारसायकल चोरीच्या पहिली घटना नाशिकरोड भागात घडली. योगेश पंढरीनाथ कडभाने (रा.सोनांबे ता.सिन्नर) यांनी याबाबत फिर्याद दिली आहे. कडभाने गेल्या २५ मे रोजी कामानिमित्त नाशिकरोड भागात आले होते. गिता ड्रेसेस दुकानासमोर पार्क केलेली त्यांची एमएच १५ एचके २९६५ चोरट्यांनी चोरून नेली. याबाबत नाशिकरोड पोलीस ठाण्यात गुह्याची नोंद करण्यात आली असून अधिक तपास हवालदार गोसावी करीत आहेत.
तर पंचवटी भागातून दोन मोटारसायकली चोरीस गेल्या. रोशन बाळासाहेब वाघ (रा.वास्तूरंग एनक्ल्यू सोसा.शरद पवार मार्केट मागे,अनुसयानगर) यांची शाईन दुचाकी एमएच १५ जीबी ९१६८ गेल्या शनिवारी (दि.१३) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. तर अशोक मनोहर फाले (रा.नवनाथनगर,पेठरोड) यांची पॅशन प्लस एमएच १५ बीएफ ७०३५ दुचाकी गेल्या शनिवारी (दि.६) रात्री चित्रकुट सोसायटीच्या पार्किंगमध्ये लावलेली असतांना चोरट्यांनी ती चोरून नेली. दोन्ही घटनांप्रकरणी पंचवटी पोलीस ठाण्यात वेगवेगळे गुन्हे दाखल करण्यात आले असून अधिक तपास पोलीस नाईक काळे व हवालदार सानप करीत आहेत.
