नाशिक (इंडिया दर्पण वृत्तसेवा)– नाशिक पुणे रोडवरील बोधले नगर भागात तोल जावून पडल्याने ५९ वर्षीय पादचा-याचा मृत्यू झाला. याप्रकरणी उपनगर पोलीस ठाण्यात मृत्यूची नोंद करण्यात आली आहे.
चंदुलाल खिमजी पटेल (रा.महात्मा सॉ मिल,नाशिक पुणारोड) असे मृत पादचा-याचे नाव आहे. पटेल रविवारी (दि.१४) सायंकाळच्या सुमारास बोधलेनगर येथील जुन्या पेट्रोल पंपासमोरून पायी जात असतांना ही घटना घडली. अचानक तोल जावून पटेल रस्त्यावर कोसळले होते.
या घटनेत त्यांच्या कमरेस व खांद्यास गंभीर दुखापत झाल्याने मुला निरव पटेल यांनी त्यांना तात्त्काळ कॅनडा कॉर्नर भागातील सेवा हॉस्पिटल येथे दाखल केले होते. त्यानंतर त्यांना अधिक उपचारार्थ जिल्हा रूग्णालयात हलविण्यात आले असता वैद्यकीय सुत्रांनी तपासून मृत घोषीत केले. अधिक तपास जमादार बकाल करीत आहेत.
