सिन्नर (इंडिया दर्पण वृत्तसेवा) – माळेगाव औद्योगिक वसाहतीमधील अॅटोकॉम या अॅटोमोबाईल्स रविवारी सायंकाळी ६ वाजेच्या सुमारास भीषण आग लागली. चार ते पाच तासाच्या आतापर्यंत आग आटोक्यात आणण्यात अग्निशामक दलाच्या जवानांना यश आले असून सुमारे दोनशे ते अडीचशे कामगार सुरक्षित असल्याचे समजते.
रविवारी सायंकाळी सहा ते साडेसहा वाजेच्या दरम्यान माळेगाव औद्योगिक वसाहती ऑटो कॉम ऑटोमोबाईल्स कंपनीला अचानक वरच्या मजल्याला आग लागल्याने कामगार सुरक्षा स्थळी बाहेर आल्याने जीवित हानी टळली. पण आगीने वरच्या मजल्यावर रौद्ररूप धारण केल्याने अनेक कोट्यावधीचे नुकसान झाल्याचे प्राथमिक अंदाज वर्तवण्यात येत आहे. सिन्नर एमआयडीसी व सिन्नर नगरपरिषद अग्निशामक दलाच्या जवानांनी सुमारे आठ ते नऊ बंबाच्या फेऱ्या मारून आग चार ते पाच तासानंतर विजवली.
