नाशिक (इंडिया दर्पण वृत्तसेवा)– पंढरपूरच्या विठुरायाची यात्रा व आषाढी एकादशी दोन दिवसांनी येऊ घातली असताना राज्यातील तमाम वारकऱ्यांसाठी शासनाने मोठी आनंदाची बातमी दिली आहे. महाराष्ट्र राज्यातील कीर्तनकार व वारकऱ्यांना सोयी सुविधा पुरवण्या करिता “मुख्यमंत्री वारकरी महामंडळ” स्थापन करण्याचा मोठा निर्णय शासनाने घेतला असून त्या संदर्भातील सामाजिक न्याय विभागाचा शासन निर्णय आज रोजी प्रसिद्ध करण्यात आला आहे. सदर महामंडळाचे मुख्यालय ते पंढरपूर येथे असणार आहे.
महाराष्ट्र राज्याला वारकरी संप्रदायाची मोठी परंपरा लाभली आहे, वारकरी जो धर्म पाळतात त्याला धर्मालाच भागवत धर्म म्हटले जाते ,वारीतून संप्रदायाची सामाजिकता आणि समाज समाजभीमुक्तामुक्ता स्पष्ट होते व त्याचा प्रभाव जन माणसावर पडलेला दिसून येतो ,महाराष्ट्रातील गावागावातून भाविक वारकरी दरवर्षी वारीला जातात वारीमध्ये प्रामुख्याने कामकरी, कष्टकरी ,शेतकरी समावेश असतो. परंतु कालारूप दिंड्यांची संख्या वाढल्याने वारीच्या व्यवस्थापनाचे सूक्ष्म नियोजन महत्त्वाचे ठरले आहे. याकरिता वारकरी महामंडळाची संकल्पना आली असून राज्य मंत्रिमंडळाच्या दिनांक ११ जुलै २०२४ रोजी झालेला बैठकीत “मुख्यमंत्री वारकरी महामंडळ” स्थापन करण्याचा निर्णय घेण्यात आला आहे.
शेकडो वर्षापासून पांडुरंगाच्या दर्शनासाठी वारकऱ्यांची पायी दिंडीची माध्यमातून वारी करण्याची पवित्र परंपरा महाराष्ट्रात आहे .तीर्थक्षेत्रांचा विकास, कीर्तनकार ,वारकऱ्यांना अन्न ,सुरक्षा, वैद्यकीय मदत. विमाकवच, पायाभूत सुविधा इत्यादी सोयी सुविधा पुरवण्याकरिता व कल्याणकारी योजना राबविण्याकरिता मुख्यमंत्री वारकरी महामंडळ कार्य करणार आहे. त्यामध्ये प्रामुख्याने वारकरी संप्रदायाच्या अडीअडचणी प्रश्न सोडवणे सर्व पालखी सोहळा मार्गाची सुधारणा करणे वारकरी भजनी मंडळाला भजन व कीर्तन साहित्य करिता अनुदान देणे . पंढरपूर, देहू ,आळंदी ,मुक्ताईनगर ,सासवड ,पिंपळनेर, त्र्यंबकेश्वर ,पैठण ,कोल्हापूर, शेगाव, तारकेश्वर ,भगवानगड, अगस्तीऋषी संत सावता माळी समाज मंदिर अरण तालुका माढा जिल्हा सोलापूर व इतरही तीर्थक्षेत्रांचा विकास या महामंडळाच्या माध्यमातून करण्यात येणार आहे. त्याचबरोबर चंद्रभागा ,इंद्रायणी , गोदावरी व इतर नद्या प्रदूषण मुक्त करण्याबाबतची देखील उपाययोजना महामंडळाच्या माध्यमातून करण्यात येणार आहे. वारकऱ्यांसाठी वारकरी पेन्शन योजना सुरू करण्याचेही प्रस्तावित आहे . श्री क्षेत्र पंढरपूर चंद्रभागा नदीच्या दोन्ही बाजूने घाट विकसित करण्यात येईल. यासह अनेक विविध उपाययोजना करण्यात येणार आहे. महिला वारकऱ्यांसाठी देखील स्वतंत्र निवास व्यवस्था, प्रसाधनगृहे, वस्त्रांतर अनुषंगिक सोयीसुविधा करण्यात येणार आहे.
आवश्यक निधी दिला जाईल – मुख्यमंत्री एकनाथ शिंदे
महाराष्ट्र ही संतांची भूमी असून सामाजिक समतेची बंधुभावाची मोठी परंपरा आहे, विविध जातीपातीचे लोक या ठिकाणी हजारो वर्ष पासून गुण्यागोविंदाने एकत्र नांदतात, अशा समृद्ध महाराष्ट्रात जाती जातीला एकत्रित ठेवण्याचे काम ज्यांनी केले त्यात महाराष्ट्रातील थोर समाजसेवक विभूती आणि संत महंत मोठा हातभार आहे. त्यात वारकरी संप्रदायाच्या कीर्तनकार वारकरी यांचे योगदानही बहुमूल्य आहे , त्यांच्यासाठी कल्याणकारी योजना व सोयी सुविधा पुरविण्याकरिता “मुख्यमंत्री वारकरी महामंडळ’ स्थापन करण्याचा शासनाने निर्णय घेतला आहे या महामंडळासाठी आवश्यक निधी उपलब्ध करून दिला जाईल.
