बसमध्ये चढत असताना महिलेची १ लाखांची सोन्याची पोत चोरट्यांनी केली लंपास
नाशिक (इंडिया दर्पण वृत्तसेवा)- नाशिकरोड बसस्थानकामध्ये बसमध्ये चढत असताना अज्ञात चोरट्याने महिलेच्या पिशवीतून १ लाखांची सोन्याची पोत काढून घेत चोरी केली आहे. महिलेच्या फिर्यादीनुसार, शुक्रवारी (ता. १२) सायंकाळी पावणे सातच्या सुमारास त्या नातलगांसह नाशिकरोड बसस्थानकावर आल्या होत्या. त्यावेळी शिर्डी जाणार्या बसमध्ये चढल्या. परंतु गर्दी असल्याने त्या पुन्हा खाली उतरल्या. या गर्दीमध्ये त्यांच्या पिशवीतून अज्ञात चोरट्याने त्यांची सोन्याची पोत लंपास केली. याप्रकरणी नाशिकरोड पोलिसात गुन्हा दाखल करण्यात आला आहे.
टेम्पोतील एक लाख रूपये किमतीची इलेक्ट्रीक मोटार चोरीला
नाशिक (इंडिया दर्पण वृत्तसेवा)- पार्क केलेल्या टेम्पोत ठेवलेली सुमारे एक लाख रूपये किमतीची इलेक्ट्रीक मोटार चोरट्यांनी चोरून नेली. ही घटना औद्योगीक वसाहतीतील चुंचाळे शिवारात घडली. याप्रकरणी अंबड पोलीस ठाण्यात चोरीचा गुन्हा दाखल करण्यात आला आहे.
दीपक विजय गायकवाड (रा.अंबड) यानी फिर्याद दिली आहे. गायकवाड यांच्या मालकीचा टेम्पो गेल्या बुधवारी (दि.१०) रात्री त्यांच्या घरासमोरील मोकळ््या जागी पार्क केलेला असतांना ही घटना घडली. अज्ञात चोरट्यांनी टम्पोत ठेवलेली सुमारे एक लाख रूपये किमतीची इलेक्ट्रीक मोटार चोरून नेली. अधिक तपास हवालदार चव्हाण करीत आहेत.
