येवला (इंडिया दर्पण वृत्तसेवा) – नाशिक – छत्रपती संभाजी नगर महामार्गावर अंगणगाव येथील शिक्षक कॉलनी जवळ स्विफ्ट कारचा भीषण अपघात झाला. या अपघातात तीन जण गंभीरित्या जखमी झाल्याची माहिती मिळाली आहे.
अंगणगाव येथील एका गॅरेज मधील स्विफ्ट कार टेस्ट ड्राईव्हसाठी घेऊन जात असताना चालकाचे नियंत्रण सुटल्याने कार थेट शिक्षक कॉलनी जवळील नाल्यावरील कठड्याला धडकुन नाल्यात गेली. हा अपघात एवढा भीषण होता की गाडीचा पूर्णतः चकाचूर झाला आहे.
या अपघातात यश पवार, संकेत कोल्हे व सनी निकम हे तीन जण गंभीर जखमी झाले आहे, त्यांच्यावर येवल्यातील खासगी रुग्णालयात उपचार सुरू असून एकाची प्रकृती चिंताजनक असल्याची माहिती मिळाली आहे.
