बीड (इंडिया दर्पण वृत्तसेवा) – मराठा समाजाला विरोध करणा-या एकालाही सोडायचे नाही त्यांना विधानसभेला पाडायचंच..गाढवाला निवडून दिलं तरी चालेल असे सागंत बीडच्या शांतता रॅलीत मनोज जरांगे यांनी सरकारवर जोरदार हल्ला केला. यावेळी त्यांनी भुजळांवर शेलक्या शब्दात टीका केली. मुख्यमंत्री एकनाथ शिंदे यांनी सगेसोय-यांची अंमलबजावणी करण्याचा शब्द दिला होता, आता त्यांनी शब्द पाळावा असे आवाहनही त्यांनी केले.
यावेळी ते म्हणाले की, मराठे एक झाले तर तुमच्या पोटात काय दुखतं. मराठ्यांनी खूप त्रास सहन केला आहे. माझ्या जातीवर अन्याय झालेला मी कधीही सहन करणार नाही. मला जातीपेक्षा दुसरे कोणी मोठे नाही. असे सांगत त्यांनी मला माझ्या जातीचा गर्व आहे. मी कुठेही जातीवाद केला नाही. यावेळी त्यांनी मागेल त्याला कुणबी प्रमाणपत्र द्या, सगेसोयरेची अमंलबजावणी करा अशी मागणी त्यांनी केली.
भुजबळांवर जोरदार टीका
या सभेत ते म्हणाले की, ओबीसी नेत्यांना आवाहन आहे. तुमचं आमचं वैर नाही. आमचा विरोधक फक्त छगन भुजबळ आहे. कारण त्यांनीच मराठा आरक्षणाला विरोध केला. बाकी कुणाला विरोध नाही. मराठ्यांच्या नोंदीसुध्द रद्द करा अशी त्यांची मागणी आहे. त्यांना साथ द्यायची नाही. असे सांगत त्यांनी भुजबळांमार्फत राज्यात दंगली घडवण्याचा प्रयत्न सुरु आहे. त्यांचे स्वप्न आहे दंगली व्हाव्या असे वाटते. पण, आम्हाला दंगली होऊ द्यायच्या नाही असेही त्यांनी सांगितले.
