जळगाव (इंडिया दर्पण वृत्तसेवा) – लोकअदालतीचे हे यश लक्षात घेता आणि लोकअदालतीव्दारे पक्षकारांना जलद गतीने मिळणारा दिलासा लक्षात घेता सर्वोच्च न्यायालय यांनी त्यांच्याकडे प्रलंबित असलेली तडजोडपात्र प्रकरणे जलद गतीने निकाली काढण्यासाठी विशेष लोकअदालत सप्ताहाचे आयोजन दिनांक २९ जुलै २०२४ ते ३ ऑगस्ट २०२४ दरम्यान केले आहे.
लोकअदालतीमध्ये तडजोडीव्दारे निकाली निघालेल्या प्रकरणांमुळे प्रकरणातील पक्षकारांसोबत शासन आणि समाज या दोन्ही घटकांना मोठा लाभ प्राप्त झाला आहे. लोकअदालतीमुळे न्यायालयातील प्रलंबित खटल्यांची संख्या कमी करण्यामध्ये मोठ्या प्रमाणात यश प्राप्त झाले आहे. न्यायालयातील तडजोड पात्र प्रलंबित प्रकरणे आपसी सामंजस्यातून तडजोडीव्दारे निकाली काढण्याकरिता लोकअदालत हे प्रभावी माध्यम म्हणून समोर आलेले आहे. सदर विशेष लोकअदालती मार्फत सर्वोच्च न्यायालयात प्रलंबित असलेली तडजोडपात्र प्रकरणे लोकअदालतीच्या माध्यमातून निकाली काढण्यात येणार आहेत.
सर्वोच्य न्यायालयाने लोकअदालतमध्ये ठेवलेल्या प्रकरणांची यादी https://legalservices.maharashtra.gov.in/Site/Upload/Pdf/MAHARASHTRA.pdf या संकेतस्थळावर उपलब्ध आहे. तरी ज्यांची प्रकरणे सदरील यादीमध्ये असतील त्यांनी स्वतः अथवा वकीलांमार्फत महाराष्ट्र राज्य विधी सेवा प्राधिकरण, मुंबई किंवा संबंधीत जिल्हा विधी सेवा प्राधिकरणाशी संपर्क साधावा. विशेष लोकअदालतचा लाभ पक्षकारांनी घ्यावा असे आवाहन सदस्य सचिव, महाराष्ट्र राज्य विधी सेवा प्राधिकरण, मुंबई यांनी केले आहे.
जिल्हा विधी सेवा प्राधिकरण, संपर्क क्रमांक :-
अकोला -८५९१९०३९३०, बीड-८५९१९०३६२३, चंद्रपुर-८५९१९०३९३४, गोंदिया-८५९१९०३९३५ कोल्हापूर-८५९१९०३६०९ नांदेड-८५११९०३६२६, उस्मानाबाद-८५९१९०३६२५ रायगड-८५९१९०३६०६ सातारा-८५९१९०३६११ ठाणे-८५९१९०३६०४, यवतमाळ-८५९९९०३६२९
अहमदनगर ८५९१९०३६१६. , अमरावती-८५९१९०३६२७, भंडारा-८५९१९०३९३६, धुळे-८५९१९०३६१८, : जळगाव-८५९१९०३६१९, , लातूर-८५९१९०३६२४, नंदूरबार-८५९१९०३९३९. , परभणी-८५९१९०३६२२, , रत्नागिरी-८५९१९०३६०८. . सोलापूर-८५९१९०३६१३. वर्धा-८५९१९०३९३२. , मुंबई-८५९१९०३६०1,
औरंगाबाद-८५९१९०३६२०, बुलढाणा ८५९१९०३६२८. गडचिरोली – ८५९१९०३९३३, जालना-८५९१९०३६२१, नागपूर-८५९१९०३९३1. नाशिक – ८५९९९०३६1५, पुणे- ८५९१९०३६१२. सांगली-८५९१९०३६१०. सिंधुदुर्ग-८५९१९०३६०७. वाशिम ८५९१९०३९३७, मुंबई उपनगर-८५९१९०३६०२.
