इंडिया दर्पण ऑनलाईन डेस्क
बिहारचे मुख्यमंत्री नितीश कुमार यांनी विकास कामांच्या लोकार्पण सोहळ्यात एका आयएसएस अधिकाऱ्याला मी तुमच्या पाया पडतो पण काम वेळेत करा असे सांगतानाचा व्हिडिओ सर्वत्र व्हायरल झाला आहे. त्यानंतर विरोधी पक्षाचे नेते तेजस्वी यादव यांनी नितीशकुमारांवर निशाणा साधला असून जोरदार टीका केली आहे.
नितीशकुमार हे बिहारमधील गायघाट ते कंगनघाट परिसरातील रस्त्याच्या लोकार्पण सोहळ्यात गेले होते. यावेळी त्यांनी भर स्टेजवर अधिका-यासमोर हात जोडले व पाया पडतो असे म्हणाले. त्यानंतर तेजस्वी यादव यांनी टीका केली आहे. ते म्हणाले संपूर्ण जगात असा एकच मुख्यमंत्री असेल जो एवढा लाचार आहे. अधिका-यांनाही माहित आहे हे ४३ आमदाराचा मुख्यमंत्री आहे. बिहारमध्ये भ्रष्टाचार, अराजकतामुळे एक अधिकारी मुख्यमंत्र्यांचे एेकत नाही. यात कर्मचारी व अधिका-यांचा दोष नाही. आम्हाला १४ कोटी बिहारच्या जनतेच्या वर्तमान व भविष्याची चिंता असल्याचेही त्यांनी म्हटले आहे.
