इंडिया दर्पण ऑनलाईन डेस्क
राजकारणाचे पडसाद खासगी आयुष्यातही कसे पडतात हे सांगता येत नाही. ब-याच वेळा त्यातून मित्रांमध्येही भांडण होतात तर कधी नातेवाईकांशी वाद होतात. असाच एक प्रकार उत्तरप्रदेशमध्ये घडला आहे. येथे चक्क नवरदेवाने आपल्या लग्नाची मिरवणूक बुलडोझरवार काढली. केवळ सासरच्यांनी गोरखपूरच्या या नवरदेवांवर राजकारणावरुन टोमणे मारल्यामुळे त्यांनी थेट कृतीतून उत्तर दिले.
मुख्यंत्री योगी आदित्यनाथ यांचा समर्थक असलेल्या गोरखपूरच्या खजनी तहसीलमधील रहिवासी मेहिन वर्मा यांचा मुलगा कृष्ण वर्मा यांने ही लग्नाची मिरवणूक बुलडोझरवर काढली. या मागे नेमकं कारण काय आहे याबाबत येथील लोक सांगतात की, लग्न ठरल्यानंतर खलीलाबादच्या सासरच्या लोकांनी वराला टोमणे मारले की यावेळी खलीलाबाद संत कबीर नगरमध्ये बाबाजींचा पक्ष हरला.
ही गोष्ट वराला इतकी लागली की तो म्हणाला की बाबा जी आमचा अभिमान आणि सन्मान आहेत. घरी पोहोचल्यावर त्याने लग्नाच्या मिरवणुकीत महागडी वातानुकूलित कार नव्हे तर बुलडोझरची निवड केली. कुटुंबीय आणि नातेवाईकांनी त्याला समजावून सांगितले की, पण कृष्णा वर्मा ठाम राहिला. त्याने आपली मिरवणूक बुलडोझरवर काढत पराभवाचे उत्तर त्यातून दिले….
