नाशिक (इंडिया दर्पण वृत्तसेवा)- रेल्वेस्टेशन जवळ पार्क केलेल्या दुचाकीच्या डिक्कीतील एक लाखाच्या रोकडवर चोरट्यांनी डल्ला मारला. याप्रकरणी नाशिकरोड पोलीस ठाण्यात चोरीचा गुन्हा दाखल करण्यात आला आहे.
किरण नाना खरात (रा.कॅनलरोड जेलरोड) यांनी याबाबत फिर्याद दिली आहे. खरात शुक्रवारी (दि.५) दुपारी मित्र राजू घोडे यास सोबत घेवून पैसे काढण्यासाठी आर्टीलरी सेंटर रोडवरील युनियन बँकेत गेले होते. बँकेतून ९५ हजाराची व स्व:ताजवळी पाच हजाराची रोकड त्यांनी दुचाकीच्या डिक्कीत ठेवली होती.
त्यानंतर दोघे मित्र कामानिमित्त नाशिकरोड रेल्वेस्थानक भागात गेले असता ही घटना घडली. रेल्वेस्टेशन परिसरातील समाधान संकुल परिसरात त्यांनी आपली मेस्ट्रो मोपेड पार्क केली असता अज्ञात चोरट्यांनी डिक्कीतल एक लाखाच्या रोकडवर डल्ला मारला. अधिक तपास हवालदार टेमगर करीत आहेत.
….
जुगार खेळणा-या त्रिकुटाच्या पोलीसांनी मुसक्या आवळल्या
नाशिक (इंडिया दर्पण वृत्तसेवा)– एकलहरारोड परिसरातील चेंबरी नं.१ भागात उघड्यावर जुगार खेळणा-या त्रिकुटाच्या पोलीसांनी मुसक्या आवळल्या. संशयितांच्या ताब्यातून रोकडसह जुगाराचे साहित्य हस्तगत करण्यात आले असून याप्रकरणी नाशिकरोड पोलीस ठाण्यात गुन्हा दाखल करण्यात आला आहे.
भाईदास उंबरनाथ लोंढे (६० रा.लावण्या सोसा.एकलहरारोड), किरसण सहादू बिडकॉन (४६) व विजय शिवाजी राखपसरे (३३ रा. दोघे मोरया रो हाऊस,चेंबरी नं.१ एकलहरा रोड) अशी गुन्हा दाखल करण्यात आलेल्या जुगारींचे नावे आहेत. एकलहरा रोडवरील मोरया रो हाऊस भागात जुगार खेळला जात असल्याची माहिती पोलीसांना मिळाली होती. त्यानुसार सोमवारी (दि.८) सायंकाळी पथकाने धाव घेत छापा टाकला असता संशयित पैसे लावून पत्यांच्या कॅटवर तिन पत्ती जुगार खेळतांना मिळून आले. संशयितांच्या ताब्यातून २ हजार २७० रूपयांची रोकड व जुगाराचे साहित्य असा मुद्देमाल हस्तगत करण्यात आला असून याबाबत अंमलदार कल्पेश जाधव यांनी दिलेल्या फिर्यादीवरून गुह्याची नोंद करण्यात आली आहे. अधिक तपास हवालदार टेमगर करीत आहेत.
