मनमाड (इंडिया दर्पण वृत्तसेवा)- नांदगाव-मनमाड मार्गावर रात्रीच्या सुमारास भरधाव जाणा-या एका ट्रक चालकाने तब्बल ३० मेंढ्यांना चिरडल्याची घटना घडली आहे. मेंढपाळ आपल्या मेंढ्या रस्त्याने घेऊन जात असतांना हिसवळ गावा जवळ भरधाव ट्रकने मेंढ्यांना चिरडले. मात्र मेंढ्यांना चिरडणारा ट्रक चालक फरार झाल्याने परिसरातील नागरीकांनी ट्रकचा पाठलाग करुन त्याला मनमाड जवळच्या चौफुलीवर पकडत त्याला पोलिसांच्या हवाली केले. अपघातात मोठ्या प्रमाणावर मेंढ्यांचा मृत्यू झाल्याने मेंढपाळाचे मात्र मोठ्या प्रमाणावर नुकसान झाले आहे. पोलिसांनी ट्रकसह चालकाला ताब्यात घेऊन त्याच्यावर गुन्हा दाखल केला आहे.
