इंडिया दर्पण ऑनलाईन डेस्क
बीडमध्ये सेल्फीच्या नादात एकाने जीव गमावला गमावला आहे. गेल्या काही दिवसांपासून सेल्फीच्या नादात थरारक अपघाताच्या घटना घडत आहेत. बीडमध्ये अशीच एक घटना घडली आहे. या थरारक अपघाताचा व्हिडिओ व्हायरल झाला आहे. सेल्फीच्या नादात एकाचा जीव गेला, तर एक जखमी झाला.
दुचाकीवरून प्रवास करत असताना एक व्यक्ती रील काढण्याचा प्रयत्न करीत असताना अपघात झाला. त्यात एकाचा जागीच मृत्यू झाला, तर अन्य एक जण गंभीर जखमी आहे. धुळे- सोलापूर महामार्गावर हा अपघात झाला. दुचाकीवर मागे बसलेला तरुण सेल्फी कॅमेऱ्याच्या माध्यमातून रील काढत असताना बाईक वेगात चालवत असलेल्या तरुणाने मागे वळून कॅमेऱ्याला बोटांनी व्हिक्टरी साईन दाखवत असताना त्यांचा अपघात झाला. हा व्हिडिओ सध्या ‘सोशल मीडिया’वर चांगलाच व्हायरल झाला आहे.
