नाशिक (इंडिया दर्पण वृत्तसेवा)- गंगापूर रोडवरील हॅाटेल गंमत जंमतच्या पुढील नदीपात्रात पुलाचे कथडे तोडून कार कोसळल्याची घटना शुक्रवारी रात्री नऊ वाजता घडली. या अपघातात चालक जागीच ठार झाला असून दोघे जण जखमी झाले आहेत. याप्रकरणी नाशिक तालुका पोलीस ठाण्यात गुन्हा दाखल करण्यात आला आहे.
या अपघातात कारचालक नितीन बापू कापडणीस (३५) यांचा मृत्यू झाला तर किरण संजय कदम (३२), योगेश पानसरे (३४) हे जखमी झाले आहे. हे सर्व जण चांदशी येथील होते. हे सर्व जण दुगावकडून गंगापूर गावाच्या दिशेने येत असतांना ही घटना घडली.
कारवरील नियंत्रण सुटल्यामुळे कार पुलाचा कथडा तोडून नदीपात्रामध्ये पलटी झाली. नदीला पाणी नसल्याने कार खडकावर जाऊन आदळली. त्यात कापडणीस हे जागीच ठार झाले. तर कारमधील दोघे किरण व योगेश हे जखमी झाले.
