इंडिया दर्पण ऑनलाईन डेस्क
वैजापूर-माळीवाडा रस्त्यावर कार आणि ट्रकच्या झालेल्या भीषण अपघातात तिघांचा मृत्यू झाला. देवदर्शन करून कारने घरी परतणारे हे तिघेही एकाच कुटुंबातील होते. या अपघातात दोन जण गंभीर जखमी आहेत. शनिवार पहाटे ही घटना घडली.
या अपघातात राजू उचित, त्यांची पत्नी अलका आणि मुलगा अर्जुन उचित (रा. लॉयननगर, वाळुंज) अशी मृतांची नावे आहेत. जखमींवर शहरातील खासगी रूग्णालयात उपचार सुरू आहेत.
भरधाव कारची उभ्या असलेल्या ट्रकला पाठीमागून धडक बसल्याने हा भीषण अपघात घडला. अपघातानंतर ट्रक चालक फरार झाला आहे. या अपघातात मृत झालेले तिघेही जण बजाजनगर भागातील रहिवाशी होते. कन्नडवरून छत्रपती संभाजीनगरकडे येताना हा अपघात झाला.
