नाशिक (इंडिया दर्पण वृत्तसेवा)- शहरात वेगवेगळया भागात पार्क केलेल्या तीन मोटारसायकली चोरीला गेल्या. याबाबत पंचवटी व इंदिरानगर पोलीस ठाण्यात गुन्हे दाखल करण्यात आले आहेत.
छत्रपती संभाजीनगर रोड भागातील कल्पेश लक्ष्मीकांत रामावत (रा.समृध्दी पार्क कपालेश्वरनगर) हे बुधवारी (दि.४) हिरावाडी रोड परिसरातील विधातेनगर भागात गेले होते. नंदिनी अगरबत्ती दुकाना समोरील पुजा कलेक्शन समोर त्यांनी आपली मोटारसायकल एमएच १५ बीएम ५१२७ पार्क केली असता ती चोरट्यांनी चोरून नेली.
दुसरी घटना पेठ नाका भागात घडली. याबाबत आयुष बळवंत भोसले (रा.भिमनगर हौ.सोसा.जेलरोड) यांनी फिर्याद दिली आहे. भोसले यांची मोटारसायकल एमएच १५ ईक्यू ३२४५ गेल्या बुधवारी (दि.३) रात्री पेठनाका सिग्नल परिसरातील कृष्णा हाईटस भागात पार्क केलेली असतांना ती चोरट्यांनी चोरून नेली.
दोन्ही घटनाप्रकरणी पंचवटी पोलीस ठाण्यात वेगवेगळे गुन्हे दाखल करण्यात आले असून, अधिक तपास हवालदार घुगे व आहिरे करीत आहेत. तर निखीलेशसिंग महेंद्रसिंग परदेशी (रा.कृष्णा प्राईड अपा. गामणे मैदानासमोर पाथर्डी फाटा) यांची पल्सर दुचाकी एमएच १५ एफएक्स ७११७ बुधवारी (दि.३) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी चोरून नेली. याबाबत इंदिरानगर पोलीस ठाण्यात गुह्याची नोंद करण्यात आली असून अधिक तपास हवालदार देवरे करीत आहेत.
