इंडिया दर्पण ऑनलाईन डेस्क
नाशिक शहरातील प्रल्हाद आर्केड, गणेश विहार येथील जिओ केबल काही अज्ञात समाजकंटकांकडून हेतुपुरस्पर कापुन नेटवर्कला अडथळा आणल्याचे प्रकार समोर आले असून यामुळे सर्व सामान्य नागरिक, विद्यार्थी आणि ऑनलाइन सेवा पुरवणाऱ्या घटकांना अनेक अडचणींना सामोरे जावे लागत आहे. गेल्या अनेक दिवसांपासून जाणूनबुजून काही अज्ञात प्रवृत्ती खोडकरपणे असे प्रकार केल्याने सर्वसामान्य नागरिक त्रासले आहेत. कंपनीच्या संबंधित अधिकाऱ्यांनी याप्रकरणी मुंबई नाका पोलीस ठाण्यात तक्रार दाखल केली असून पोलिस पुढील तपास करत आहेत. नेटवर्क ला अडथळा आणन्याचे प्रकार नाशिक शहर तसेच परिसरात केल्याने ऑनलाईन सेवा ठप्प झाल्याने सर्व सामान्य ग्राहक, विद्यार्थी यांची मात्र मोठी अड्चण झाली. कंपणीने कोट्यवधी रुपये गुंतवून उभारलेल्या नेटवर्कची नासधुस केल्याने नियमित रिचार्ज करत असलेल्या ग्राहकाना मनस्ताप सहन करावा लागला.
नुकत्याच आलेल्या टेलीकॉम पॉलिसीमध्ये टेलिकॉम ही अत्यावश्यक तसेच शासकीय सेवेत समाविष्ट केली असून या सेवेत अडथळा आणल्यास कडक कारवाईची तरतूद केली आहे. आरोपींकडून नाशिक शहरातील विविध भागात केबल कट करणे, नेटवर्क सामग्रीची नासधूस करणे, अत्यंत महाग अशी केबल चोरून नेणे असे समाजविघातक प्रकार करण्यात आले. ग्राहकांच्या तक्रारींची दाखल घेऊन जीओच्या फिल्ड इंजिनिअर्स कडून दिवस रात्र अथक परिश्रम करून नेटवर्क सुरळीत ठेवले गेले . दुरुस्ती करणाऱ्या कंपनीच्या नेटवर्क इंजिनिअर्सला धमकावले देखील जात आहे. कंपनीने या गंभीर प्रकारांची दखल घेऊन ग्राहकांना होणारा मनस्ताप टाळण्यासाठी तसेच समाजविघातक कृत्यांना आळा घालण्यासाठी शेवटी तक्रार दाखल केली
एकीकडे सगळ्यांना उत्कृष्ट स्पीडसह नेटवर्क हवे आहे तर याच वेळी काही समाजविघातक घटक नेटवर्कची नासधूस करत आहेत. अशा परिस्थितीमध्ये ग्राहक जीओला जबाबदार धरत असून वस्तुस्थिती समोर आणणे गरजेचे आहे. टॉवर आहेत परंतु नेटवर्क नसल्याची ओरड केली जाते. बऱ्याच ठिकाणी टॉवरची बॅटरी चोरून नेणें, डिझेल चोरी, केबल चोरून नेणे असे प्रकार देखील सतत घडत असून यावेळी स्थानिक ग्रामस्थ, प्रशासन, तसेच पोलिसांनी लक्ष घालण्याचे गरजेचे आहे. कोरोना काळात अत्यावश्यक सेवांमध्ये समावेश असलेल्या टेलिकॉम कंपन्यांपुढे अशी अनेक आव्हाने असून तरीही सर्वाना सिमलेस नेटवर्क देण्यासाठी कंपनीचे कर्मचारी अहोरात्र मेहनत घेत असतात. अशा प्रवृत्तींना आळा घालुन कंपनीला सहकार्य करावे अशी सर्वसामान्य ग्राहकांची आणि जनमानसाची भावना असल्याचे जीओकडून सांगण्यात आले.
