नाशिक (इंडिया दर्पण वृत्तसेवा) – शहरात असून वेगवेगळया भागातून नुकत्याच तीन मोटारसायकली चोरीला गेल्या आहेत. याबाबत आडगाव,पंचवटी व अंबड पोलीस ठाण्यात गुन्हे दाखल करण्यात आले आहे.
पहिली घटना सिडकोत घडली. दुर्गेश वसंत जाधव (रा.डॉ.हेडगेवार चौक,त्रिमुर्ती चौक) यांनी याबाबत फिर्याद दिली आहे. जाधव यांची एमएच १५ एचडब्ल्यू ३७६६ मोटारसायकल गेल्या २८ जून रोजी रात्री त्यांच्या घरासमोर पार्क केलेली असतांना चोरट्यांनी ती पळवून नेली. याबाबत अंबड पोलीस ठाण्यात गुन्हा दाखल करण्यात आला असून अधिक तपास पोलीस नाईक संगम करीत आहेत.
दुस-या घटनेत माहेगाव ता. कोपरगाव येथील शंतनू किरण राजोळे (२३) या युवकाची प्लॅटीना एमएच १७ बीआर ९०६२ दुचाकी गेल्या २५ जून रोजी दुपारच्या सुमारास महामार्गावरील जत्रा हॉटेल भागात पार्क केलेली असतांना ती चोरट्यांनी पळवून नेली. याबाबत आडगाव पोलीस ठाण्यात गुह्याची नोंद करण्यात आली असून अधिक तपास हवालदार बनकर करीत आहेत.
तिसरी घटना गोदाघाट परिसरात घडली. नंदू रंगनाथ लबडे (रा.जगतापवाडा देवळाली गाव) यांनी याबाबत फिर्याद दिली आहे. लबडे गेल्या २८ जून रोजी गोदाघाट परिसरात आले होते. रामकुंड येथील यशवंत महाराज पटांगण भागात लावलेली त्यांची एमएच १५ डीबी १९५२ मोटारसायकल चोरट्यांनी चोरून नेली. याबाबत पंचवटी पोलीस ठाण्यात गुन्हा दाखल करण्यात आला असून अधिक तपास हवालदार शेवाळे करीत आहेत.
