नाशिक (इंडिया दर्पण वृत्तसेवा) – भरधाव दुचाकी घसरल्याने २१ वर्षीय तरूणाचा मृत्यू झाला. हा अपघात गेल्या एप्रिल महिन्यात पोतदार शाळा भागात झाला होता. जखमीवर श्री गुरूजी रूग्णालयात उपचार सुरू असतांना त्याचा मृत्यू झाला. याप्रकरणी गंगापूर पोलीस ठाण्यात मृत्यूची नोंद करण्यात आली आहे.
गितेश शालीक पवार (२१ रा.त्रिमुर्ती चौक,सिडको) असे मृत दुचाकीस्वाराचे नाव आहे. गितेश पवार गेल्या १३ एप्रिल रोजी सुलावाईन परिसरात गेला होता. रात्रीच्या सुमारास तो दुचाकीने आपल्या घराकडे येत असतांना हा अपघात झाला होता. सिडकोच्या दिशेने तो दुचाकीवर प्रवास करीत असतांना पोतदार शाळा परिसरात भरधाव दुचाकी घसरली होती.
या अपघातात तो गंभीर जखमी झाल्याने गंगापूररोडवरील श्री गुरूजी हॉस्पिटल येथे त्यास दाखल करण्यात आले होते. सोमवारी (दि.१) उपचार सुरू असतांना डॉ.नितीन जाधव यांनी त्यास तपासून मृत घोषीत केले.
