नाशिक (इंडिया दर्पण वृत्तसेवा)– जुने नाशिक परिसरातील पिंजार घाट येथे होलसेलचे दुकान फोडून चोरट्यांनी सिगारेटचे बॉक्स लंपास केले. या घटेनेत तब्बल साडे तीन लाख रूपये किमतीच्या विविध कंपनीच्या सिगारेट पाकिट चोरीला गेले आहे. याबाबत भद्रकाली पोलीस ठाण्यात घरफोडीचा गुन्हा दाखल करण्यात आला आहे.
रफिक मजिद भान (रा.सह्याद्री हॉस्पिटल जवळ,वडाळारोड) यानी याबाबत फिर्याद दिली आहे. रफिक भान यांचे पिंजारघाट रोडवर सिगारेट विक्रीचे होलसेलचे दुकान आहे. शनिवारी (दि.२९) रात्री अज्ञात चोरट्यांनी दुकानाचे शटर तोडून ही चोरी केली.
चोरट्यांनी दुकानातील गोल्ड फ्लॅग प्रिमीयम,गोल्ड फ्लॅग मिन्ट,गोल्ड फ्लॅग प्रिमीयम लाईट,गोल्ड फ्लॅग किंग,गोल्ड फ्लॅग लाईट,फोर स्क्वेअर,फोअर स्क्वेअर क्रश आदी कंपनीचे सुमारे साडे तीन लाख रूपये किमतीचे बॉक्स चोरून नेले. अधिक तपास सहाय्यक निरीक्षक पवार करीत आहेत.
