नाशिक (इंडिया दर्पण वृत्तसेवा)- शहरात वेगवेगळया भागातून तीन मोटारसायकली चोरट्यांनी चोरून नेल्या. याप्रकरणी पंचवटी व सरकारवाडा पोलीस ठाण्यात वेगवेगळे गुन्हे दाखल करण्यात आले आहेत. चोरट्यांचा बंदोबस्त करावा अशी मागणी वाहनधारकांमधून होत आहे.
पहिली घटना गोळे कॉलनीत घडली. राहूल अरूण चौधरी (रा.अशोकनगर,सातपूर) यांनी फिर्याद दिली आहे. चौधरी गेल्या १७ जून रोजी मेहर भागात आले होते. गोळे फार्मा या दुकानाच्या बेसमेंट मध्ये लावलेली त्यांची अ‍ॅक्टीव्हा एमएच १५ ईजे ०२८४ चोरट्यांनी पळवून नेली. तर वडाळागावातील इरफान कादिर शेख (रा.सरकार किराणा जवळ गणेशनगर) हे गेल्या शनिवारी (दि.२२) न्यायालयीन कामकाजासाठी आले होते. जिल्हा व सत्र न्यायालयाच्या पार्किंगमध्ये लावलेली त्यांची स्प्लेंडर एमएच १५ डीझेड ६८७६ चोरट्यांनी चोरून नेली. दोन्ही घटनांप्रकरणी सरकारवाडा पोलीस ठाण्यात वेगवेगळया गुह्यांची नोंद करण्यात आली असून अधिक तपास हवालदार पाटील व साबळे करीत आहेत.
तिस-या घटनेत मेरी रासबिहारी लिंकरोड भागात राहणारे जयदिप अशोक आहिरे (रा.विजयश्रृष्टी अपा.बळीराजा कॉलनी) यांची एमएच ४१ एचपी ६६०३ दुचाकी त्यांच्या सोसायटीच्या पार्किंगमध्ये लावलेली असतांना ती चोरट्यांनी चोरून नेली. ही घटना गेल्या मंगळवारी (दि.२५) रात्री घडली. याप्रकरणी पंचवटी पोलीस ठाण्यात गुन्हा दाखल करण्यात आला असून अधिक तपास पोलीस नाईक काळे करीत आहेत.
