नाशिक (इंडिया दर्पण वृत्तसेवा)- हॉटेलच्या गल्यातील रोकडसह चोरट्यांनी परिसरातून सायकल चोरून नेली. ही घटना वर्दळीच्या गंगापूररोड भागातील शहिद सर्कल भागात घडली. या घटनेत ३२ हजाराच्या ऐवजावर चोरट्यांनी डल्ला मारला असून याप्रकरणी गंगापूर पोलीस ठाण्यात घरफोडीचा गुन्हा दाखल करण्यात आला आहे.
अनिल पांडूरंग डोमाडे (रा.शांतीनिकेतन चौक,काशीनगर) यांनी याबाबत फिर्याद दिली आहे. डोमाडे यांचे उदयनगर येथील लेन नं. १ मध्ये स्वाद मटन भाकरी नावाचे हॉटेल आहे. शुक्रवारी (दि.२१) रात्री अज्ञात चोरट्यांनी हॉटेल फोडून गल्ल्यातील सुमारे २२ हजाराची रोकड चोरून नेली. या घटनेनंतर चोरट्यांनी हॉटेल बाहेर लावलेली अनिल देशमुख यांची दहा हजार रूपये किमतीची सायकलही पळवून नेली असून अधिक तपास हवालदार मोहिते करीत आहेत.
……
