नाशिक (इंडिया दर्पण वृत्तसेवा)- कारखान्यातील स्क्रॅप स्टीलची चोरी केल्याप्रकरणी पोलीसांनी सुरक्षारक्षकास अटक केली आहे. संशयित चोरी करताना रंगेहात मिळून आल्याने त्यास पोलीसांच्या स्वाधिन करण्यात आले असून याप्रकरणी अंबड पोलीस ठाण्यात गुन्हा दाखल करण्यात आला आहे.
श्यामशंकर रामनिरंजन तिवारी (४७ रा.विनायक अपा.समोर दत्तनगर) असे अटक करण्यात आलेल्या सुरक्षा रक्षकाचे नाव आहे. याबाबत विजय लगड (रा.पाथर्डी फाटा) यांनी फिर्याद दिली आहे. लगड यांचा औद्योगीक वसाहतीत सुपरनोव्हा वॉटरजेट कटींग सिस्टीम नावाचा कारखाना असून संशयित या ठिकाणी सिक्युरिटी गार्ड पदावर कार्यरत आहे.
शुक्रवारी (दि.२१) रात्री ही घटना घडली असून रविवारी कारखान्यातील सीसीटीव्ही पडताळणीत ही बाब समोर आल्याने संशयितास पोलीसांच्या स्वाधीन करण्यात आले आहे. या घटनेत सुमारे १४ हजार १४४ रूपयांचे स्टेनलेस स्टीलचे स्कॅप चोरीस गेले असून अधिक तपास हवालदार झोले करीत आहेत.
