इंडिया दर्पण ऑनलाईन डेस्क
पुण्यातील आणखी एक मॅालमधील व्हिडीओ समोर आल्यामुळे पुन्हा खळबळ निर्माण झाली आहे. यामध्ये दोन तरूणी एका ड्रग्जचं सेवन करत असल्याचं दिसत आहे. पुणे – नगर रस्त्यावरील एका मॅालमधील हा व्हिडिओ असल्याचे बोलले जात आहे. हा व्हिडीओ काही दिवसापूर्वींचा असल्याचे बोलले जात आहे.
दोन दिवसापूर्वी एका हॅाटेलचा व्हिडिओ समोर आल्यानंतर प्रशासनाने दखल घेत कारवाई सुरु केलेली असतांना हा व्हिडिओ प्रचंड व्हायरल होत आहे. पुणे शहर ड्रग्जच्या विळख्यात अडकले असून पब्जचीही संख्या वाढल्यामुळे त्यावर टीका होत असतांना या व्हिडिओने पुन्हा खळबळ निर्माण केली आहे. आता या व्हिडिओची सत्यता तपासून त्याच्यावर पोलिस काय कारवाई करते त्याकडे सर्वांचे लक्ष लागले आहे.
