जळगाव (इंडिया दर्पण वृत्तसेवा) – नाशिक शिक्षक विभाग मतदार संघात जळगाव येथे महायुतीचे उमेदवार किशोर दराडे यांच्या प्रचार्थ शनिवारी मुख्यमंत्री एकनाथ शिंदे यांची सभा आदित्य लॉन्स येथे झाली. याच सभेनंतर शाळेचे शिक्षक, कर्मचारी, मुख्याध्यापक, संस्थाचालक यांना पैसे वाटप करण्यात आल्याचा एक व्हिडिओ सोशल मीडियावर शिवसेना ठाकरे गटाच्या नेत्या सुषमा अंधारे यांनी पोस्ट केल्यानंतर खळबळ निर्माण झाली आहे.
अंधारे यांनी पोस्ट केलेल्या म्हटले आहे, महायुतीचे उमेदवार दराडे यांच्या प्रचार्थ मुख्यमंत्री @mieknathshinde यांची जळगावातील आदित्य लॉन्स येथे सभा झाली. सभेनंतर जिल्ह्यातील आलेले प्रत्येक शाळेचे शिक्षक, कर्मचारी, मुख्याध्यापक, संस्थाचालक यांना पैसे वाटप करण्यात आले. कुठाय निवडणूक आयोग?
दरम्यान शिवसेनेच्या नेत्यांनी या आरोपाचे खंडणे केले आहे. बुथसाठी हे पैसे दिले गेल्याचे म्हटले आहे.
