नाशिक (इंडिया दर्पण वृत्तसेवा)– नाशिक – मुंबई – आग्रा महामार्गावर शुक्रवारी दुपारी २ वाजता मोटर सायकलने ट्रॅक्टरला धडक दिल्याने झालेल्या अपघातात दोन जण गंभीर जखमी झाले. मुंबईकडून नाशिककडे जाणा-या मोटर सायकलने ही धडक दिली. यात मोटर सायकस्वार गंभीर जखमी झाले.
राजुरा पाटी गांधी पंपा जवळ हा अपघात झाला. यात सनीकुमार पंडित नवसारे (१९), हिमांशु राजेंद्र पाटिल (१७) रा. त्रिमुर्ती चौक, नाशिक हे जखमी झाले. या अपघाताची माहिती फोनवर मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली. त्यानंतर जखमींना नाशिक येथील खासगी हॉस्पिटल मध्ये दाखल केले.
