येवला (इंडिया दर्पण वृत्तसेवा) – शहरातील मध्यवर्ती भागातील कुक्कर गल्ली मधून काल पहाटेच्या सुमारास एका चोरट्याने घरासमोर लावलेली होंडा कंपनीची शाईन मोटरसायकल बनावट चावी लावून चोरुन नेल्याची घटना घडली. ही चोरीची सर्व घटना सीसीटीव्ही मध्ये कैद झाली आहे.
हा चोरटा पुढे एका छत्रपती संभाजी नगर महामार्गावर असलेल्या अंदरसुल जवळच्या एका पेट्रोल पंपावर पेट्रोल भरण्याच्या बहाण्याने तेथे थांबला असता त्याने तेथील कर्मचा-याचा चार्जिंगसाठी ठेवलेला मोबाईल सुध्दा चोरट्याने लंपास केला. मोबाईल चोरीची घटना पेट्रोल पंपावरील सीसीटीव्ही मध्ये कैद झाली आहे. एकाच चोरट्याच्या दुहेरी चोरीच्या घटनेची मात्र चांगलीच चर्चा रंगली आहे.पोलिस सीसीटीव्हीच्या आधारे चोरट्याचा शोध घेत आहे.
