इंडिया दर्पण ऑनलाईन डेस्क
वसई मध्ये भरस्त्यात तरुणाने मुलीवर वार करत तिची हत्या केल्याच्या प्रकरणाची गंभीर दखल राज्य महिला आयोगाने घेतली आहे. या घटनेनंतर आयोगाच्या अध्यक्षा रुपाली चाकणकर यांनी सांगितले की, ही घटना माणुसकीला काळीमा फासणारी आहे. या प्रकरणामध्ये कलम ३०२ अन्वये गुन्हा दाखल करत पोलीसांनी आरोपीला ताब्यात घेतले आहे. राज्य महिला आयोगाच्या वतीने तातडीने पुढील कारवाई करण्याच्या सूचना दिलेल्या आहेत. वालीव पोलीस स्टेशनचे पोलीस निरीक्षक जयराम रणावरे यांच्याशी मी फोनवरून संपर्क साधत यामध्ये कलम त्याचबरोबर कठोर कारवाई करण्याच्या सूचना दिलेले आहेत.
या सगळ्या घटनेमध्ये पुरावे सादर करत असताना ठोस दोषाआरोप पत्र देखील सादर करण्याच्या सूचना दिलेले आहेत. खरंतर अशा घटना घडत असताना मुलांमध्ये हिंसक वृत्ती निर्माण होऊन व हत्येपर्यंत मजल जाणं त्याहूनही बघ्यांमध्ये नागरिकांची संख्या मोठ्या प्रमाणात असताना कोणीही मदतीला न येणे हे फारच चिंताजनक आहे. राज्य महिला आयोगाच्या वतीने आरोपीवर पुढील कडक कारवाई होईपर्यंत पाठपुरावा केला जाईल.
