नाशिक (इंडिया दर्पण वृत्तसेवा)- स्क्वॉश रॅकेट असोसिएशन ऑफ नाशिक आणि केन्स्टींगटन क्लब यांच्या संयुक्त विद्यमाने केन्स्टींगटन क्लब, गंगापूर रोड येथे २२ आणि २३ जून, २०२४ दरम्यान नाशिक जिल्हा स्क्वॉश रॅकेट स्पर्धा आणि निवड चाचणीचे आयोजन करण्यात आले आहे. यामध्ये ११ वर्षे, १३ वर्षे, १५ वर्षे, १७ वर्षे, १९ वर्षे मुले आणि मुली आणि पुरुष आणि महिला खुला गट अश्या सहा गटांचा समावेश आहे.
या जिल्हा स्पर्धा आणि निवड चाचणीला दिनांक २२ जून रोजी सकाळी १०.०० वाजता केन्स्टींगटन क्लबच्या स्क्वॉश कोर्टवर सुरवात होणार आहे. या स्पर्धेतील कामगिरीच्या आधारे सर्व गटांमधून नाशिक जिल्हा संघासाठी निवड करण्यात येणार आहे. हे निवड झालेले खेळाडू दिनांक २६ ते २९ जून, २०२४ दरम्यान पुणे येथे आयोजित महाराष्ट्र राज्य स्क्वॉश रॅकेट अजिंक्यपद स्पर्धेत नाशिक जिल्ह्याचे प्रतिनिधित्व करतील अशीं माहिती स्क्वॉश असोसिएशन ऑफ नाशिक डिस्ट्रिक्टचे सचिव सारंग नाईक यांनी दिली.
तरी या स्पर्धेत नाशिक जिल्ह्यातील जास्तीत जास्त खेळाडूंनी सहभाग नोंदवावा आणि आपले कौशल्य दाखवून जिल्हा संघामध्ये निवड होण्यासाठी जोमाने प्रयत्न करावे असे आवाहन जिल्हा अध्यक्ष आनंद खरे, उपाध्यक्ष अजिंक्य वाघ, अशोक दुधारे, खजिनदार संजय होळकर, सचिव सारंग नाईक, तेजस सोनावणे यांनी केले आहे.
