नाशिक (इंडिया दर्पण वृत्तसेवा)- नव्याने बांधकाम सुरू असलेल्या इमारतीतून भामट्यांनी इलेक्ट्रीक उपकरणांची वायरींग चोरून नेल्याचा प्रकार हिरावाडी भागात घडला. या घटनेत सुमारे सदनिकांमधील फिटींगसाठी आणलेली सुमारे ७० हजाराची वायर चोरट्यांनी लांबविली असून याप्रकरणी पंचवटी पोलीस ठाण्यात चोरीचा गुन्हा दाखल करण्यात आला आहे.
सागर दिलीप तायडे (रा.संजय नगर,वाघाडी) यांनी याबाबत फिर्याद दिली आहे. हिरावाडीतील कमलनगर भागात रविवारी (दि.१६) पहाटेच्या सुमारास ही घटना घडली. डॉ.खरे हॉस्पिटलच्या बाजू कडील पडलेल्या भिंतीच्या बाजूने बांधकाम सुरू असलेल्या इमारतीवर प्रवेश करून चोरट्यांनी ही चोरी केली. बांधकाम साईटवरील पहिल्या, दुसºया आणि चौथ्यामजल्यावरील सदनिकांची फिटींग केलेली वायर भामट्यांनी फ्लोरिंग पाईप मधून काढून नेली. या घटनेत सुमारे ७० हजाराच्या वायरवर चोरट्यांनी डल्ला मारला असून अधिक तपास हवालदार घुगे करीत आहेत.
