नाशिक (इंडिया दर्पण वृत्तसेवा) – अंबड औद्योगीक वसाहतीत बंद कारखान्यात शिरून चोरट्यांनी सुमारे दीड लाख रूपये किमतीचे कॉपर चोरून नेले. याबाबत अंबड पोलीस ठाण्यात घरफोडीचा गुन्हा दाखल करण्यात आला आहे.
येल्डो पेट्रोस तडाथील (रा.चेतनानगर) यांनी फिर्याद दिली आहे. तडाथील यांचा औद्योगीक वसाहतीतील प्लॉट न.२२९ येथे श्वेता इटरप्रायझेस नावाचा कारखाना आहे. शनिवारी (दि.१५) रात्री अज्ञात चोरट्यांनी बंद कारखान्यातील कॉपर शॉपच्या शटरचा एका बाजूचा पत्रा उचकटून ही चोरी केली.
शॉप मध्ये शिरलेल्या चोरट्यांनी सुमारे १ लाख ६१ हजार २९८ रूपये किमतीचे कॉपर चोरून नेले. अधिक तपास उपनिरीक्षक चव्हाण करीत आहेत.
……
