इंडिया दर्पण ऑनलाईन डेस्क
नागपूर- कामठी मार्गावर खासगी बस आणि ऑटो रिक्षाच्या भीषण अपघातात दोन सैन्यदलाचे जवानांचा मृत्यू झाला. हे जवान रिक्षातून कामठी येथील कंटोन्मेंटकडे जात होते. या अपघातात ६ प्रवासी जखमी झाले आहे.
हा अपघात नागपूर जिल्ह्यातील कामठी आणि कन्हान दरम्यान कन्हान नदीच्या पुलावर झालाय. पुलावरच खासगी बसने ऑटोला धडक दिली. या रिक्षातून प्रवास करणारे इतर सहा जवान आणि ऑटोचालक जखमी झाले आहे.
या अपघातात रिक्षाचे मोठे नुकसान झाले आहे. या अपघातातील इतर जखमींवर नागपूरमधील विविध रुग्णालयात उपचार सुरु आहेत. जखमींना इंदिरा गांधी वैद्यकीय रुग्णालय, शासकीय वैद्यकीय रुग्णालय आणि कामठी येथील एक खाजगी रुग्णालय अशा तीन वेगवेगळ्या रुग्णालयात दाखल करण्यात आले आहे. तीन जखमींची प्रकृती गंभीर असल्याची माहिती आहे.
